Mga Pinoy sa Sabah tinatratong hayop

MANILA, Philippine s- Tinatrato umanong hayop, sinisipa, ginugulpi at pinatatakbo saka binabaril ng Malaysian forces ang mga Pinoy sa Sabah.

Ayon sa mga nagsida­tingang Pinoy sa Tawi-Tawi mula Sandakan, Sabah, ma­tindi na ang nararanasan ng mga sibilyang Pinoy na tahimik na naninirahan sa Sabah dahil sa isa-isang pinapasok ng kani-kanilang bahay ng mga Malaysian military saka puwersahang pinalalabas.

Iniipon umano ang mga kalalakihan at kababaihan at madalas na magkaroon ng panggugulpi sa mga ito at saka binabaril.

Ang lahat umano ng mga kalalakihan ay kinaladkad at pinalalabas sa kanilang bahay, pinagsisipa, ginugulpi at ang iba ay pinatatakbo pa ng mabilis saka sila binabaril.

Bagaman ipinapakita ng mga Pinoy na inaresto ang kanilang immigration papers ay binabaril at pinapatay pa umano ang mga ito ng mga sundalong Malaysian.

Hindi rin umano ligtas sa kamay ng Malaysian mi­­­litary ang mga inarestong Pinoy da­hil hindi sila pinakakain.