MANILA, Philippines - Kusang loob ng sumuko kahapon sa kanyang mga kabaro ang isang opisyal ng Philippine National Police (PNP) na sinasabing nanggahasa sa isang 15-taong gulang na dalagita sa Parañaque City.
Hawak na ng SouÂthern Police District Office si Senior Insp. Mujalni Dugasan “alias Johnnyâ€, 55, commander ng Police Community Precinct 3 (PCP-3) makaraang sumuko kay Sr. Supt. Andrei Felix.
Si Dugasan ay sinampahan ng kasong rape at child abuse sa Parañaque City Prosecutor’s Office noong Huwebes matapos magreklamo sa Women and Children’s Protection Desk ang dalagitang biktima na itinago sa paÂngalang Lorna.
Ayon kay Lorna, nagpunta siya noong Martes ng gabi sa PCP 3 upang magtanong kung saan nakatira ang kanyang kaÂklase.
Lumabas ang suspek at nilapitan nito ang biktima upang ipabasa ang text message sa kanyang cell phone dahil malabo na umano ang kanyang mata.
Sinabi ni Lorna, inalok umano siya ng suspek na ihahatid sa pupuntahan nito pero sa halip na samahan ay dinala siya sa parking lot ng Parañaque Police Headquarters at doon umano isinagawa ang panghahalay habang nasa loob ng Toyota Innova na may plakang ZCB-451 na pag-aari ng pulis.
Nang makauwi ang biktima sa kanilang bahay isinalaysay nito sa mga magulang ang masaklap na sinapit kaya’t nagreklamo sila sa mga awtoridad.