MANILA, Philippines - Bunsod ng kawalan ng merito, kaya ibinasura ng Manila City Prosecutor’s Office ang kasong grave threats at attempted homicide na isinampa ng isang dating pulis laban sa isang kolumnista.
Sa isang pahinang resoÂlusyon ni Assistant City Prosecutor Rodolfo Azucena Jr., wala umanong nakitang probable cause upang iakyat sa hukuman ang mga naturang kaso na isinampa ng dating pulis na si Benjamin Abad, laban kay Alex Balcoba, kolumnista ng People’s Brigada.
Nag-ugat ang kaso nang samahan ni Balcoba ang ilang pulis-Maynila dakong 12:30 ng tanghali noong Hunyo 18, 2012 sa kinaroroonan ni Abad sa OroquieÂta St., Sta. Cruz, Manila upang arestuhin ito dahil sa reklamong panunutok ng baril.
Kinuhanan ng larawan ni Balcoba si Abad, sanhi upang sampahan niya ito ng kaso.
Sinabi ng piskalya na ang pagkarekober ng mga pulis ng isang baril kay Abad nang arestuhin ito ay pagkumpirma lamang sa pahayag ni Balcoba sa mga pulis na, “Hulihin ninyo yan si Abad. May baril yan, kunin ninyo!â€
Wala rin nakitang dahilan ang piskalya para sampahan ng kasong attempted homicide si Balcoba dahil ginagampanan lamang aniya nito ang kanyang tungkulin bilang reporter nang kuhanan ng larawan si Abad habang inaaresto.