MANILA, Philippines - Isang 3 storey building ang nasunog kamakalawa ng gabi sa Pasig City.
Batay sa ulat, dakong alas-11:55 ng gabi nang maganap ang sunog sa Rider Levett Buckhal Building sa 59
Canley Road, Brgy. Ugong, Pasig City.
Nagmula umano ang apoy sa ikatlong palapag ng gusali at kaagad na kumalat dahil puno ng mga dokumento ang tanggapan.
Ayon umano kay Timmy Guritan, stay-in employee, nagsimula ang sunog sa isang electric switch box na nag- malfunctioned.
Kaagad namang naapula ng mga pamatay-sunog ang apoy na umabot lamang sa unang alarma at idineklarang fireout dakong 12:36 ng madaling-araw at tinatayang aabot sa P3 milyon ang halaga ng mga ari-ariang naabo.