MANILA, Philippines - Umaabot sa P150,000 halaga ng kargamento at delivery truck na mula sa bodega sa Balut, Tondo, Maynila ang tinangay ng isang driver na bagong pasok lang sa isang cargo shipping company noong nakalipas na Enero 28.
Nito lamang Biyernes, inireport ng kinatawan ng JDC Cargo Company, sa Honorio Lopez Boulevard, Balut, Tondo na si Robert Sy ang pangyayari.
Inireklamo nila ang suspek na si Wilven Masalta Y Gilbuena, nasa hustong gulang, may-asawa ng Longos, Malabon City ay may 10 araw pa lamang na nag-aplay bilang driver at inutusan nilang ideliber ang mga produktong silicon, picture frame at mga bola ng pingpong na aabot sa halagang P150,000. na sakay ng 6 wheeler na Isuzu closed van (PIS-469).
Iimbestigahan din ang pahinante na si Jerome Quipanes, 23, ng no. 96 Tonsuya St., Malabon City na umano’y nagrekomenda sa suspek bilang driver.