Baril ng opisyal ng barangay siyasatin sa pagkamatay ni Nicole
MANILA, Philippines - Isang residente sa Caloocan City ang humiling kahapon sa pulisya na inspeksiyunin din ang baril ng isang opisyal ng barangay na nakakasakop sa lugar kung saan tinamaan ng ligaw na bala si Stefanie Nicole Ella, 7-anyos na ikinasawi nito.
Ang kahilingang ito ay matapos na hindi tumugma ang bala ng baril ng dating sundalo na si Juan Agus na unang dinakip ng pulisya matapos na umamin na nagpaputok ng baril sa pagsalubong sa Bagong Taon.
Ayon sa isang impormante na tumawag sa himpilan ng Caloocan City police na isang opisÂyal ng Barangay 185 na umano ay may dalang baril ang nakitang pagala-gala malapit sa lugar ng bahay ni Nicole nang oras na tinamaan ito ng ligaw na bala.
Ang dahilan ng paÂnawagan ng naturang impormante ay dahil hindi nasama sa pagsusuri ng mga pulis ang baril ng naturang barangay opisyal na pansamantala munang hindi binanggit ang pangalan.
- Latest
