Chargers niresbakan ang Flying Titans
![Chargers niresbakan ang Flying Titans](https://media.philstar.com/photos/2024/07/23/pvl_2024-07-23_20-57-03.jpg)
MANILA, Philippines — Niresbakan ng Akari ang Choco Mucho, 18-25, 16-25, 25-21, 25-23, 15-13, sa Pool B ng 2024 Premier Volleyball League (PVL) Reinforced Conference kahapon sa Philsports Arena sa Pasig City.
Nagpasabog si American import Oly Okaro ng 38 points mula sa 33 attacks, tatlong aces at dalawang blocks para sa 2-0 kartada ng Chargers na nauna nang tinalo ang Capital1 Solar Spikers noong Hulyo 18.
“I’m definitely very excited, I’m very proud of how I performed,” ani Okaro. “I know there are also things that I didn’t do very well and that’s something that I’m gonna work on.”
Umiskor si Grethcel Soltones ng 12 markers habang may 10 points si Ivy Lacsina.
Laglag naman ang Flying Titans sa 0-2 kasama ang kabiguan sa HD Spikers sa una nilang laban.
Pinangunahan ni Dindin Santiago-Manabat ang Choco Mucho sa kanyang 16 points mula sa 14 attacks, isang ace at isang block kasunod ang tig-14 markers nina Greek import Zoi Faki at Royce Tubino.
Samantala, pumalo si Venezuelan import MJ Perez ng 30 points mula sa 26 attacks, tatlong service aces at isang block para igiya ang Cignal HD sa 25-18, 29-27, 21-25, 25-22 pagdaig sa ZUS Coffee.
“We have to keep working, especially on our consistency, we have to be consistent all throughout. That’s what was missing in our game today.” sabi ng 32-anyos na si Perez.
- Latest