La Salle at Adamson standouts napili sa PVL Draft
MANILA, Philippines — Mula sa kabuuang 47 aplikante ay 23 lamang ang nahugot sa kauna-unahang Premier Volleyball League (PVL) Rookie Draft kamakalawa sa Novotel sa Cubao, Quezon City.
Anim sa mga ito ay produkto ng Adamson University habang apat ang galing sa De La Salle University sa pangunguna ni No. 1 overall pick Thea Gagate ng Zus Coffee.
Ang mga dating miyembro ng Lady Falcons na nakuha sa draft ay sina No. 5 Lucille Almonte (Nxled), No. 7 Ishie Lalongisip (Cignal), No. 8 Angge Alcantara (PLDT), No. 9 Karen Verdeflor (Chery Tiggo), No. 10 AA Adolfo (Petro Gazz) at Sharya Ancheta (Zus Coffee).
Maliban naman sa 6-foot-2 na si Gagate, ang iba pang napiling dating mga Lady Spikers ay sina No. 2 Leila Cruz (Capital1 Solar Energy), No. 3 Julia Coronel (Galeries Tower) at No. 4 Maicah Larroza (Farm Fresh).
Nakuha rin sa draft sina Jewel Encarnacion, Dodee Batindaan at Danivah Aying (Galeries Tower), Roma Mae Doromal at Gilliana Torres (Capital1), Nikka Yandoc at Jen Zeta (Zus Coffee), Aleiah Torres (Creamline), Stephanie Bustrillo (Akari), Pierre Abellana (Farm Fresh), Razel Aldea (Nxled) at Donnalyn Paralejas (Petro Gazz).
Kaagad masusukat ang husay ng mga rookies sa darating na 2024 PVL Reinforced Conference na magbubukas sa Hulyo 16 sa Philsports Arena sa Pasig City.
Hinati ang 12 teams sa dalawang grupo.
Nasa Pool A ang Creamline, Chery Tiggo, Farm Fresh, Galeries Tower, Nxled at PLDT, habang nasa Pool B ang Petro Gazz, Akari, Capital1, Cignal, Choco Mucho at ZUS Coffee.
- Latest
