Pacquiao bilib kay Martin
MANILA, Philippines — Kumpiyansa si Pinoy world eight-division champion Manny Pacquiao na magiging isang world title-holder rin si super bantamweight prospect Carl Jammes Martin.
Kaya naman kinuha ng kanyang MP Promotions kasama ang Premier Boxing Champions (PBC) and TGB Promotions ang 24-anyos na Ifugao fighter.
“We are happy and proud to announce the signing of Carl Jammes Martin to the MP Promotions,” sabi ni Pacquiao kay Martin na nakatakdang labanan kagabi si Thai Chaiwat Butkrathok para sa bakanteng World Boxing Organization (WBO) global super bantamweight belt sa Elorde Sports Complex sa Parañaque City.
Ilan sa mga nasa bakuran ng MP Promotions ay sina unified world super bantamweight champion Marlon Tapales, mga da-ting world titlists na sina Jerwin Ancajas at Mark Magsayo at Olympian Eumir Felix Marcial.
Bitbit ni Martin ang malinis na 22-0-0 win-loss-draw ring record kasama ang 17 knockouts.
Si Martin ay ginagabayan ng kanyang father/trainer na si Abel Martin.
“Carl Jammes Martin has everything to offer from his good looks up to his extraordinary boxing skills. We believe he will go far,” ani international matchmaker at MP Promotions President Sean Gibbons.
Plano ng MP Promotions na dalhin si Martin sa United States sa susunod na taon para sa kanyang training at makahanap ng title fight.
- Latest
