NEW YORK — Opisyal nang inihayag kahapon ng NBA ang kanilang “opening night” schedule na magbibigay sa mga fans ng dalawang pares ng entertaining matchups sa Walt Disney World sa Orlando, Florida.
Sa Hulyo 30 ay magtutuos ang Utah Jazz at New Orleans Pelicans at ang Los Angeles Clippers laban sa Los Angeles Lakers.
Magbabalik ang liga matapos ang halos apat na buwan na pagkakatigil dahil sa coronavirus disease (COVID-19) pandemic.
“We have worked together with the players’ association to establish a restart plan that prio-ritizes health and safety, preserves competitive fairness and provides a platform to address social justice issues,” wika ni NBA Commissioner Adam Silver.
Maglalaban naman sa Hulyo 31 ang Orlando Magic at Brooklyn Nets, ang Memphis Grizzlies at Portland Trail Bla-zers, ang Phoenix Suns at Washington Wizards, ang Boston Celtics at Milwaukee Bucks, ang Sacramento Kings at San Antonio Spurs at ang Houston Rockets at Dallas Mavericks.
Mula rito ay limang laro ang gagawin ng NBA bawat araw sa tatlong magkakaibang courts hanggang sa pagtatapos ng seeding games sa Agosto 14.
Sasabak ang bawat koponan sa tig-walong regular season games.
Ang lahat ng ito ay matapos mafinalize ng NBA at ng players’ association ang “comprehensive plan” para sa season restart.
Inaprubahan din sa 113-page health at safety protocol ang proteksyon ng mga players, coaches at iba pang team staff laban sa COVID-19.
“We are grateful to our longtime collaborator Disney for its role in playing host and making this return to play possible, and we also thank the public health officials and infectious disease specialists who helped guide the crea-tion of comprehensive medical protocols and protections,” ani Silver.
May higit sa 2.4 mil-yon ang kumpirmadong kaso ng COVID-19 sa United States at higit 125,000 na ang namatay.
Ang Florida ay may halos 123,000 ang confirmed cases at may 7,800 cases sa Orange County kung saan matatagpuan ang Disney World.