Gokongwei, Tan gagawaran ng posthumous award

MANILA, Philippines — Dalawang dating PBA team owners, kasama ang isang founding member ng liga, ang gagawaran ng posthumous recognition sa SMC-PSA (Philip­pine Sportswriters Association) Annual Awards Night sa Centennial Hall ng Manila Hotel.

Nasa unahan ng lista­han ang mga pangalan ng yumaong billionaire at philanthropist na sina John Gokongwei Jr. at Lu­cio ‘Bong’ Tan Jr..

Ang dalawa ay kasama sa 15 pumanaw na per­sonalidad na bibigyan ng short video ng pinakamatandang media organi­zation sa Marso 6.

Ang 93-anyos na si Go­kongwei, may-ari ng CFC Corporation (nga­yon ay Universal Robina Corporation) franchise ay isa sa mga founding mem­bers ng PBA nang ilunsad ito noong 1975.

Naglaro ang prangki­sa gamit ang mga brand names na Presto, N-Rich, Great Taste at Tivoli at na­nalo ng kabuuang anim na PBA championships sa loob ng 17 taon sa liga.

Ang 53-anyos namang si Tan ay ang basketball-loving owner ng Tanduay franchise na bumalik sa PBA noong 1999.

Pumanaw si Tan no­ong Nobyembre 11 dalawang araw matapos si Gokongwei.

Pararangalan din sina national team standouts at sports officials Claro Pellosis, Flo­ren­do Ritua­lo, Sr., Susan Papa, Ange­lo Constantino, Rafael Po­liquit at Mark Joseph.