Dalisay nagwagi kay Verdad sa qualifying ng ATP Challenger
MANILA, Philippines – Pinadapa ni Fil-Spanish Diego Garcia Dalisay ang kababayang si Fritz Verdad, 6-3, 6-2, para maging nag-iisang Filipino survivor sa unang araw ng qualifying round ng ATP Challenger Philippine Open kahapon sa Rizal Memorial Tennis Center.
Binuhay ng 16-anyos na si Dalisay, isinilang sa Madrid, Spain at kinakatawan ang Pilipinas, ang tsansa para sa tiket sa main draw ng $75,000 event.
Susunod niyang makakatapat ang 27-anyos na si Croatian Nikola Mektic, nagtala ng 2-6, 6-3, 6-4 panalo kay Italian Stefano Napolitano.
Ang iba pang Pinoy na nakapasok sa main draw sa pamamagitan ng wild card ay sina Fil-Am Ruben Gonzales, Jeson Patrombon, AJ Lim at Francis Casey Alcantara.
Nabigo naman sina Patrick John Tierro at Leander Lazaro kina Taiwanese Yi Chu Huan, 4-6, 7-5, 3-6, at South African Ruan Roelofse, 1-6, 2-6, ayon sa pagkakasunod.
- Latest
