MANILA, Philippines – Isang three-man coaching staff na kinabibila-ngan ng isang lawyer, dating import at school owner, ang bubuo sa coaching staff ng Perpetual Help Altas sa 92nd NCAA senior basketball season sa susunod na taon.
Sinabi kahapon ni Jeff Tamayo, ang athletic director at representive ng Perpetual sa NCAA Management Committee, na sina Perpetual Help owner Antonio Tamayo, Atty. Neil Barry Tobias at Nigerian Nic Omorogbe ay kanilang iniluklok bilang coaches ng Altas matapos ang liderato ni Aric del Rosario.
“We’re happy and confident with our new coaching staff and they will start preparations anytime now,” wika ni Tamayo.
Si Tamayo ang nagmamay-ari ng mga Perpetual Help schools at hospitals at dating teammate ni del Rosario sa University of Santo Tomas’ high school cage team at founding head ng Phl soft tennis.
Si Tobias naman ay isang La Salle alumnus na nagtapos sa law school sa Perpetual Help habang si Omorogbe ay dating bahagi ng Perpetual Help squad na nakatuntong sa Final Four noong 2012 at 2013.