MANILA, Philippines - Ihahayag ng Samahang Basketbol ng Pilipinas anumang araw ang mga pangalan ng mga players na kakatawan ng bansa sa men’s basketball event ng 28th SEA Games sa Singapore sa June.
Hangad ng SBP na mapanatili sa poder ng Philippines ang gold medal sa SEA Games at ngayon pa lamang ay sinasabing sigurado na ang panalo ng Pinas.
Ayon sa isang source, magbabalik si Marcus Douthit para pangunahan ang koponan.
Ipinanalo ng Pinas ang anim na laro noong 2013 SEA Games sa Naypyidaw, Myanmar.
Maliban sa 13-point win kontra sa Singapore, inilampaso na lahat ng Phl team ang ibang kalaban kung saan tinalo nila ang Cambodia ng 50 points at ang host Myanmar ng 75 points.
Si Douthit na naging sentro ng atensiyon noong 2014 Asian Games ay may kontrata pa sa SBP bilang naturalized player. (AC)