MANILA, Philippines - Humanga ang Doctor J Bactigel, ang partner ng UAAP-NCAA Presscorps, sa tagumpay ng National University Bulldogs sa men’s basketball ng 77th UAAP season matapos talunin ang FEU Tamaraws sa Game 3 ng kanilang best-of-three title showdown noong nakaraang linggo na tumapos ng kanilang 60 taong paghihintay sa titulo.
“We’re proud to be a part of the 77th UAAP season along with the UAAP-NCAA Press corps. For the NU Bulldogs, you all deserve the praises for a job well done,’’ sabi ni Aton Atilano, president at chief operating officer ng Kohl Industries Corporation, ang 100 percent Filipino-owned company na gumagawa ng Doctor J Bactigel hand sanitizer at Mighty Mom dishwashing gel.
Gumawa ng pagbabalik ang Doctor J sa basketball matapos lumaro sa nagsara nang Philippine Basketball League noong 90s kung saan nakopo nila ang 2nd PBL Centennial Cup title noong 1999.