Heat pinayukod ang Warriors

KANSAS CITY, Mo. – Umiskor si Chris Bosh ng 21 points at nagdagdag sina Luol Deng at Shawne Williams ng tig-19 mar­kers para pangunahan ang Miami Heat sa 115-108 pa­nalo laban sa Golden State Warriors.

Naghabol sa 102-103 ag­wat sa huling 5:16 mi­nuto, tumipa si Mario Chal­mers ng three-pointer para ibigay sa Heat (1-4) ang 102-103 bentahe.

Si Klay Thomp­son ay nagtala ng 27 points para sa Warriors (4-1), habang may 22 si David Lee.

Kinuha ng Warriors ang 56-47 kalamangan sa first half at nagtayo ng 12-point lead sa third quar­ter bago nakabangon ang Heat sa final period.

Sa Cleveland, kuma­mada sina Chandler Parsons at Jameer Nelson  ng tig-19 points para igiya ang Dallas Mavericks sa 108-102 panalo kontra sa Cavaliers.

Nag-ambag si Dirk No­witzki ng 16 points at 9 rebounds para sa Mave­ricks, umarangkada sa fourth quarter nang ipahi­nga ng Cavaliers sina Le­Bron James at Kyrie Ir­ving.

Hindi naglaro si Kevin Love para sa Cleveland.

Sa Los Angeles, nagsalpak sina Chris Paul at Jamal Crawford ng mag­ka­sunod na 3-pointers sa huling minuto ng laro para tulungan ang Los Angeles Clippers sa 101-97 panalo laban sa Utah Jazz.

Tumapos si Crawford na may 25 points at nagdagdag ng 24 si Spencer Hawes.

Umiskor si power for­ward Blake Grif­fin ng 17 points at nagdagdag si Paul ng 11 points at 9 assists para sa Clippers (1-3).

Pinamunuan naman ni Gordon Hayward ang Utah (4-1) sa kanyang 22 points kasunod ang 21 markers ni Trey Burke at 19 ni Der­rick Favors.