Malakas ang Cignal sa PSL

MANILA, Philippines – Kaagad na kumuha ng panalo ang Cignal matapos talunin ang RC Cola-Air Force, 25-17, 25-23, 25-23, sa pagbubukas ng 2014 Philippine Superliga Grand Prix na inihahandog ng Asics kahapon sa Smart Araneta Coliseum.

Nagbida si import Sa­rah Ammerman para sa HD Spikers sa torneong itinataguyod ng Sports Core with Mikasa, Mueller Sports Medicine, Health­way Medical, Jinling Sports at LGR bilang technical partners.

Humataw ang 6-foot-3 na si Ammerman ng 15 hits, 2 aces at 1 block para tumapos na may 18 points  bukod pa sa kanyang depensa na pumigil sa pag­ba­ngon ng Raiders.

Umiskor si Lind­say Stal­zer ng 15 points, habang si Abigail Praca ay may 11 markers para sa Cig­nal.

Sina Ammerman at Stal­zer ay dalawa sa 12 im­ports na kinuha sa torneong may basbas ng Phi­lippine Volleyball Fe­deration, Asian Vol­leyball Confederation at ng Inter­na­tional Vol­leyball Fede­ration.

Si Emily Brown ay nag­poste ng 16 kills at 2 blocks para sa kanyang 18 points, habang may 9 markers lamang si Bonita Wise sa panig ng Raiders.