Pacquiao dadaan sa proseso bilang rookie

MANILA, Philippines - Kung seryoso si Filipi­no world eight-division champion Manny Pacquiao na maglaro sa PBA ay kailangan ni­yang du­ma­an sa tamang proseso.

Nilinaw ito kahapon ni PBA Commisisoner Chi­to Salud matapos ang pu­long ng mga miyembro ng PBA Board of Governors.

Ayon kay Salud, itu­turing na rookie ang 35-anyos na si Pacquiao sa­kaling magdesisyon itong maglaro sa PBA.

“He will be a welcome addition to the PBA but he has to undergo the process,” sabi ni Salud kay Pac­quiao na maaaring ma­ging pinakamatandang roo­kie na papasok sa pro league.

Ang Sarangani Congressman ay isang basketball fanatic at tuwing may nakatakdang laban ay hin­di niya kinakalimutang maglaro ng basketball sa General Santos City.

Ilang beses na ring binisita si Pacquiao sa kanyang dugout ng mga NBA players na kagaya nina Kevin Garnett, Paul Pierce at Ray Allen.

Tinanggap ng PBA ang aplikasyon ng mga ex­­pansion teams na NLEX, Blackwater at Kia, sinasabing maaaring la­ruan ni Pacquiao.