HOUSTON – Umiskor si Kevin Durant ng 36 points at nagdagdag si Reggie Jackson ng 23 upang ihatid ang Oklahoma City Thunder sa 104-92 panalo kontra sa Houston Rockets sa NBA nitong Huwebes ng gabi.
Humataw ang Thunder sa third quarter para burahin ang 12-point deficit at itabla ang score papasok sa fourth quarter
Nagsagutan ng basket ang magkabilang koponan hanggang sa kumana si Jackson ng five points sa 7-0 run na nagbigay sa Thunder ng 97-89 lead, 4-minuto na lang ang natitira sa laro
Umiskor ang Oklahoma City ng four quick points na tinapos ng fast break dunk ni Jackson para hatakin ang kanilang kalamangan sa 103-92.
Nagtala sina James Harden at Terrence Jones ng tig-16 points para sa Houston, na umiskor ng 19 se-cond-half points makaraang magposte ng season-high 73 points sa first half.
Sa Indianapolis, nagposte si Lance Stephenson ng career-high 28 points, 4-rebounds at 4-assists nang pinangunahan niya ang Pacers sa kanilang second-most lopsided win sa season sa kanilang 117-89 pa-nanalasa sa Knicks.
Sa London, sumulong ang Nets sa 3-0 win sa re-gular-season NBA game sa British matapos ang 127-110 panalo kontra sa Atlanta Hawks sa pangunguna ni Joe Johnson na umiskor ng 267 sa kanyang kabuuang 29-points sa larong ginanap sa O2 Arena.