LeBron hindi nag-practice

MIAMI – Hindi nag-practice si LeBron James kasama ang Miami Heat nitong Martes dahil sa sprained left ankle kaya hindi sigurado kung makakalaro ito nitong Miyerkules sa laban kontra sa Eastern Conference-leading Indiana Pacers.

Nasaktan si James nitong Lunes sa panalo ng Heat kontra sa Utah. Nagawa niyang tapusin ang laro pero paggising niya kinabukasan ay naramdaman niya ang pamamaga na siya namang inaasahan.

“I’ve had my fair share of ankle twists so I already knew how it was going to be today,” ani James. “Very stiff, very sore, it’ll be around the clock treatment with Mike (Mancias, trainer niya) and we’ll go from there.”

Sinabi ni James na kung lalaro ang Heat nitong Martes, siguradong wala siya sa line up dahil hindi mabilis ang pagrekober mula sa sprains.

“I’ve had extreme to not so extreme,” sabi ni James. “We’ve been through this and we know how to attack it.”