Pacquiao sa GenSan mag-eensayo

MANILA, Philippines - Posibleng sa General Santos Ci­ty na lamang mag-ensayo si Filipi­no world eight-division champion Man­ny Pacquiao.

Ito ang sinabi ni chief trainer Fred­die Roach kaugnay sa kanilang ga­gawing pagsasanay laban kay Bran­don ‘Bam Bam’ Rios.

“GenSan is a very different place,” wika ni Roach. “It’s not like Ma­nila or Macau, it’s not a heavily-po­pulated area. It’s where Manny grew up. Every time we go there, we play basketball in the outdoor courts and the only guys there are the players.”

Sa kanyang mga nakaraang pag­sa­sanay, sa GenSan o Manila gina­gawa ni Pacquiao ang kanyang pag­papakondisyon bago lumipat sa Wild Card Boxing Gym ni Roach sa Hollywood, California.

Sinabi ni Pacquiao na sisimulan ni­ya ang pag-eensayo sa unang linggo ng Agosto.

“My training with Freddie (Roach) will last about six weeks, but before that you have to start training. Next month I will begin … my training in General Santos,” ani Pacquiao sa panayam ng Sunday Morning Post.

“I will stay in the Philippines because there’s no time difference bet­ween Macau and the Philippines,” dag­dag pa ng 34-anyos na Sarangani Congressman.

Maglalaban sina Pacquiao at Rios sa isang non-title, welterweight fight sa Nobyembre 23 sa The Venetian.

Ito ang unang laban ni Pacquiao matapos ang mga kabiguan kina Ti­mo­thy Bradley, Jr. noong Marso 9 at kay Juan Manuel Marquez noong Dis­­yembre 8.

Kagaya ni Pacquiao, natalo rin  ang Mexican-Ame­rican na si Rios sa kanyang huling laban kay Mike Al­varado via unanimous decision sa ka­nilang re­match noong Marso 30.