Matapos manalo sa Mouttahed: Gilas yukod sa Al-Ahli sa Dubai Invitationals

MANILA, Philippines - Kung nakalusot ang Smart Gilas-Pi­lipinas sa kanilang unang laro, hin­di ni­la natakasan ang Al-Ahli ng United Arab Emi­rates.

Yumukod ang Natio­nals sa kopo­nan ng Al-Ah­li, 82-97, sa kanilang pa­ngalawang asig­natura sa 24th Dubai In­ternational bas­ketball tournament ka­­hapon ng umaga sa Al Ah­li Sports Club.

Bago ang kanilang ka­biguan, naku­ha muna ng Smart Gilas ang 79-77 ta­gumpay kontra sa Mout­tahed ng Lebanon no­ong Sabado.

Inako naman ni Natio­nal head coach Chot Re­yes ang kabiguan ng Na­tionals sa nasabing annual meet.

“My fault,” sabi ni Re­yes sa kanyang Twitter account na @coachot. “I in­explicably lost my voice 5 mins into d game pa lang. Gone. Just like that. Couldn’t coach well d rest of d way.”

Ibinandera ng host team ang ka­nilang tatlong im­­ports.

Ito ay sina dating New York Knicks pla­yer Cheikh Samb ng Senegal at Ame­ricans Leroy Hurd at Leemire Gold­wire, ku­mampanya sa NBA D-Lea­gue.

Mula sa kontribusyon ng kanilang tat­long reinforcements, nagtayo ang Al Ahli ng isang 23-point lead.

“D team’s immaturity showed tonight. Cudnt handle playing vs 3 ex NBA vets,” dagdag pa ni Re­­yes sa kan­yang Twitter.

“Tough loss,” ang tweet naman ni ca­det pla­yer Kevin Alas sa kanyang ac­count na @kevinlouiealas.

Susunod na makakata­pat ng Natio­nals ang Spor­­ting Ama­rex ng Jordan na tumalo sa Al Ahli no­ong Sabado.

Ang top two teams mu­la sa Group A at B ma­­tapos ang eliminasyon ang ma­kakapasok sa se­mi­­finals. (RCadayona)