Global FC nakakuha ng tiket para makalaro sa AFC President’s Cup

MANILA, Philippines - Dahil sa maganda ni­lang kampanya sa United Football League, naka­kuha ng tiket ang Global FC para makapaglaro sa AFC President’s Cup 2013, ang club version ng AFC Challenge Cup.

Ito ang ibinunyag ni Global FC team manager Dan Palami, namamahala din sa Philippine Azkals, sa kanyang Twitter account na @dscpalami ka­hapon.

“Looking forward to Global FC’s participation in the AFC President’s Cup 2013,” ani Palami sa kanyang Twitter. “I have yet to receive the guidelines. I’m just glad they approved our request.”

Sinabi ni Palami na ida­raos ng AFC President’s Cup ang kanilang group stage mula sa Ma­yo 2 hanggang 12 at ang final stage ay sa Setyembre 23 hanggang 29.

“We are pleased to in­form you that the orga­nizing committee of the AFC President’s Cup and Challenge Cup as well as the AFC’s compe­titions com­mittee have ap­proved Global FC’s par­ti­cipation in the AFC Pre­sident’s Cup 2013,” wika ni Datu Alex Soosay sa li­ham para kay acting Phi­lippine Football Fede­ration secretary-general Atty. Edwin Gastanes ka­ma­kailan.

Tinalo ng Global sa isang tiebreak ang Kaya FC sa UFL League no­ong Hunyo at nakapasok sa finals ng UFL Cup kung saan naman sila na­­talo, 1-2, sa nagkam­peong Stallion FC.

Sasabak din sa AFC Pre­­sident’s Cup ang Bang­ladesh, Bhutan, Cam­bo­dia, Chinese Taipei, Kyr­gyzstan, Mongo­lia, Ne­pal, Pakistan, Pa­lestine, Sri Lanka at Turk­­me­nistan.