MANILA, Philippines - Bumalik si Japeth Aguilar sa Warriors bilang practice player matapos ma-cut ng Santa Cruz squad sa NBA D-League noong nakaraang buwan.
Tinanggap ni Aguilar ang alok ng team na maging practice player para magkaroon ng tsansang makapasok sa team ngayong season o kung hindi man ay sa susunod na taon.
“Comfortable ako sa team and I’m thankful for the opportunity. Maganda yung ipinapakita nila sa akin. Inaalagaan nila kami dun,” pahayag ni Aguilar.
Pinuri ni Santa Cruz coach Nate Bjorkgren si Aguilar ngunit aniya ay dapat siyang patuloy na mag-improve.
“I really enjoyed coaching him. He’s a great runner. He did pretty well in our training camp but there are players who are ahead of him at this point,” pahayag ni Bjorkgren.