Parker isinalpak ang buzzer-beater: Spurs tinakasan ang Thunder

SAN ANTONIO -- Isi­nalpak ni Tony Parker ang isang buzzer-beating jum­per kasunod ang kanyang pagdiriwang.

Naiwan naman si Ke­vin Durant sa ilalim ng bas­ket at hindi makapani­wa­la sa nangyari. 

Ikinonekta ni Parker ang isang 21-footer sa pag­tunog ng final buzzer pa­ra ilusot ang San An­to­nio Spurs kontra sa Ok­lahoma City Thunder, 86-84, sa rematch ng na­ka­raang Western Confe­rence finals.

Hinabol siya at tinangkang supalpalin ni Serge Iba­ka, ang NBA leading shot-blocker sa nakaraang sea­son, ngunit nasalpak ni Parker ang kanyang jum­per.

“I was like, I have to shoot fast,” wika ni Par­­ker sa kanyang pag-iwas sa mga galamay ng 6-foot-10 na si Ibaka. “He was coming very fast.”

Naglista naman si Tim Dun­can ng 20 points at 8 re­bounds para sa Spurs, ha­bang tumapos si Parker na may 16 points at 11 assists.

Ang tres ni Parker sa hu­ling 28.4 segundo ang nag­tabla sa laro sa 84-84.

Nagposte si Kevin Du­rant ng 23 points at 14 re­bounds para sa Oklaho­ma City, habang may 18 points si Russell Westbrook.

Ang turnover ni West­bro­ok sa kanilang poses­yon sa natitirang 5.9 segundo ang nagbigay ng tsansa kay Parker at sa Spurs.

“We lost him. We didn’t get him in time, but he still made a tough shot over Serge,’’ ani Thunder coach Scott Bro­oks kay Parker. “It’s not an easy hand to shoot over.’’

Matapos pakawalan si Ja­mes Harden sa Houston, natikman naman ng Oklaho­ma City ang ka­nilang unang kabiguan.

Sinimulan ni Durant ang kanyang pang anim na NBA season bilang ika­lawang pinakabatang pla­yer matapos si LeBron Ja­mes ng Miami Heat na nakaiskor ng 10,000 career points.