“Selfie” - kung hindi mo ito alam, hindi ka “in.” Sa katunayan nga, naisama na ang salitang Selfie sa Oxford’s online dictionary noong 2013.
Hanggang ngayon ay inaalam pa rin ng mga psychologists kung matatawag nga bang Narcissistic ang mga taong mahilig mag-selfie. Ang narcissistic ay yung gandang-ganda sa sarili na ang tingin ay perfect ang kanyang imahe.
May isang pag-aaral sa Estados Unidos kung saan inalam nila kung narcissists ba ang mga mahilig mag-selfie at nag-e-extra effort para i-edit ang mga pictures nila para mas magandang tignan.
Ayon sa gumawa ng pag-aaral na ito, sinasabi niyang hindi porket mahilig kang mag-selfie ay matatawag ka nang narcissistic dahil ang nagiging resulta ng kanilang pag-aaral ay nasa normal range pa rin ng behavior pero mas mataas ang lebel ng kanilang anti-social traits.
Ang Narcissism ay ang paniniwala ng isang tao sa kanyang sarili na siya ay mas matalino, mas attractive, mas magaling kaysa sa ibang tao, ngunit sa kabila ng lahat ng confidence na ito ay may insecurities na nakatago.
Kaya naman kung sakaling ang taong mahilig mag-selfie ay nakikitaan ng mga ganitong charateristics, maaaring nare-reinforce lang nito ang mga negative traits, pero hindi ibig sabihin na siya ay narcissistic.