Si Ice Seguerra ang nakaalala na kasabay ng concert niya sa Nov. 8, 2024 (Music Museum), Ice Seguerra Videoke Hits: OPM Edition Isa Pa!, ang concert ng Streetboys na kasama si Spencer Reyes sa New Frontier Theater naman.
Sa presscon ni Ice, napag-usapan ang naging showbiz career niya at napunta sa love team nila ni Spencer na short-lived lang naman. Biglang naalala ni Ice na sabay ang concert nila ng Streetboys. Plano raw sana nila ni Liza Diño-Seguerra at ng Fire and Ice Media na kuning isa sa guest sa repeat ng kanyang concert si Spencer.
Anyway, kabilang sa mga guest ni Ice ay si Loisa o Luisa na talent nila sa Fire and Ice at si Ebe Dancel. Sa tanong kung sino ang dream guest niya sa concert, mabilis na “Sampaguita” ang sagot nito. Nakausap na raw niya ang singer at hindi na nabanggit ni Ice kung bakit hindi ito natuloy mag-guest sa kanya sa three OPM editions ng kanyang concert.
Sabagay, may pinaplanong major concert si Ice next year at baka dito na mag-guest si Sampaguita. But for now, sa Nov. 8, concert muna ang focus niya. Muling titiyakin nitong lahat mag-i-enjoy sa show at kailangang maging handa ang manonood na kumanta dahil ang goal ni Ice ay mapakanta ang pupuno sa Music Museum.
Sana rin matuloy ang plano nila na dalhin sa Singapore, Hong Kong, at Middle East itong Videoke Hits concert niya. Kung saan maraming OFW at tiyak na mag-i-enjoy. Naghahanap lang ng investors ang Fire and Ice Media dahil hindi madali ang mag-concert sa ibang bansa.
Jodi, nag-donate ng dasal
Kung ang ibang celebrity, nag-donate ng cash o mga material things na kailangan ng mga nasalanta ng bagyong Kristine, si Jodi Sta. Maria, nag-offer ng prayers.
Dasal ni Jodi, “Lord, we pray for all those affected by Typhoon Kristine. May they find hope, healing and strength in the days ahead. Surround them with love and support as they rebuild their lives. Amen.”
Sinundan ito ng “We pray for those who have lost their lives and the families they left behind. We also pray for those who lost their homes that they may find the strength to begin again. We lift them all up to You Lord.”
In fairness, lagi namang mabuti ang puso ni Jodi, nag-a-adopt nga ito ng stray animals, kaya nadadagdagan ang kanyang fur babies.