Hindi papakabog si Kakai Bautista sa mga kasabayan niya sa Your Face Sounds Familiar season 2 ng ABS-CBN bagama’t magagaling din sina KZ Tandingan, Sam Concepcion, Kean Ciprano, Dennise Laurel, Eric Nicholas, Michael Pangilinan, at Myrtle Sarrosa.
Bongga na rin si Kakai dahil bukod sa first concert nito na may title na The Dental Diva in Concert sa Music Musuem sa Sept. 16, pinaghahandaan din nito ang kanyang mga concert sa abroad.
At least kung dati ay puro maid of honor lang ang role niya, ngayon ay napapansin na talaga ang kanyang talent hindi lang sa pagpapatawa kundi pati ang kanyang pagkanta na pambato rin sa teatro.
AlDub fans hoping na magkakatotohanan na
Akalain mong mahigit sa isang milyon na ang nag-like sa Facebook ng pagkikita ng AlDub loveteam nina Alden Richards at Maine Mendoza. Hindi pa kasama ang mahigit na 5-M tweets.
Hindi lang sina Alden at Maine ang nagpapasalamat, maging si Wally Bayola na naiiyak sa 5.8 M tweets sa pagkikita ng AlDub last Saturday.
Hoping ang fans na mauuwi sa totohanan ang nakakahawang fever na hatid ng AlDub.