Marian hindi na muna hinihintay ang baby
MANILA, Philippines – Kung may bagong teleserye si Dingdong Dantes na Pari Koy, meron ding bagong teleserye si Marian na may titulong The Rich Man’s Daughter kung saan gumaganap siyang tomboy. “Marami naman akong kakilalang tomboy at pinag-aaralan ko ang kilos nila,” sabi niya.
May plano na ba sila ni Dingdong na magka-baby? “Sino ba ang hindi gustong magkaroon ng anak? Pero itinataas namin itong lahat sa Panginoon. In God’s time we will have our baby.”
Mich hindi na talaga napakasalan ni Jam
Hindi na umabot sa birthday niya si Jam Sebastian. Sa March 20 pa ang birthday niya at 29 years old na sana siya pero mas maaga siyang kinuha ng Panginoon. Sabi ng girlfriend niyang si Mich Liggayu, sure raw siyang nakikipag-jamming na ito sa mga anghel sa langit. Actually, pinakakalma lang ni Mich ang sarili sa pagpanaw ng kanyang fianceé.
Sa Startalk last Saturday, sa tanong ni Manay Lolit Solis sa kanya kung bakit hindi nila pinag-usapan ni Jam na magpakasal kahit ganun pa ang kalagayan nito, sagot nito’y iniisip muna nilang dalawa na magpagaling muna ang boyfriend bago sila humarap sa altar. Eh ang kaso, mas lumala ang sakit niya kaya hindi na natuloy ang kanilang pagpapakasal.
- Latest
