John Lloyd at Jessy may sorpresa

MANILA, Philippines - Dobleng kasiyahan at surprises ang ipapasabog ngayong Linggo (Oktubre 12) kasama ang powerhouse cast ng pinakaabangang Star Cinema movie na The Trial na sina John Lloyd, Richard Gomez, Jessy Mendiola, Enrique Gil, at Gretchen Barretto.

Bukod sa kakaibang sorpresa mula sa The Trial stars, tiyak na mamamangha at kikiligin ang viewers sa pagbisita ng cast ng pinakabagong Primetime Bida teleserye na Two Wives tampok ang mga bida nitong sina Erich Gonzales, Jayson Abalos, at Kaye Abad.

May bonggang birthday bashes naman na inihanda pangungunahan ng Ultimate Icon Vina Morales kasama sina Sunshine Cruz at Karla Estrada.

May espesyal na birthday party rin ang Kapamilya na si Jovit Baldivino kasama sina Janice, Angeline Quinto, at Frenchie Dy. Susundan naman ito ng grand birthday celebration ni Robi Domingo kasama sina Alex Gonzaga, Nikki Gil, Kim Chiu, at ang exciting birthday concert ng Prince of Pop na si Erik Santos.

Ipagdiwang ang ganda ng musika ng OPM kasama sina Gary Valenciano at Dingdong Avanzado.

Samantala, saksihan ang isang world-class musical number kasama ang The Voice Coaches na sina Sarah Geronimo at Bamboo sa isang ultimate concert collaboration na susundan ng isang superb musical extravaganza mula kina Martin Nieverra, Zsazsa Padilla, Piolo Pascual, at Angeline Quinto.

Humanda sa isang makapigil-hiningang dance moves ni Enrique Gil sa The King of the Gil kasama sina Alora Sam, Ruffa Mi, at Pamu Pamorada. Hindi naman papahuli ang nakakaindak na Supahdance wacking nina Shaina Magdayao, Maja Salvador, Nikki Gil, John Prats, at Rayver Cruz.