Pacman babalikan ang Manny Many…

MANILA, Philippines - Basketbolista na si Manny Pacquiao.  Siya ang head coach ng Kia Motors.  Dati raw siyang mahilig na mag-basketball at boxing pero mas nag-concentrate lang siya sa pagiging boxer.

“Pero hindi ko pa rin iiwan ang pagbo-boxing  kahit head coach na ako ng isang basketball  team,” sabi ni Manny.

Binibenta nayon ni Manny ang bahay niya sa Los Angeles, California pero bibili naman siya ng bahay sa Beverly Hills.  Mas maganda kasi ang view sa huli.

Babalik pa rin daw si Manny sa telebisyon.  Ikinakasa na ang bagong show niya sa GMA 7, probably ‘yung bagong Manny Many Prizes din.

Lolit hindi umaasang ikakasal sina Vic at Pauleen

Payo ni Manay Lolit Solis kay Pauleen Luna:  Kung gusto mong seryosohin ka ni Vic Sotto, maging Eileen Macapagal ka!” At magkatunog pa ang name nila, Pauleen, Eileen, o ‘di ba?

Si Eileen ay asawa ni Joey de Leon.  Naging masunurin at mapagmahal na kabiyak ni Joey at hindi naging sakit ng ulo kahit kailan.  Hindi na rin nag-artista matapos mahalin ang TV-host comedian.

Hula ng marami, hindi naniniwala si Manay Lolit na pakakasalan ni Vic si Pauleen.