MANILA, Philippines - Pinatikim agad ng Galema: Anak Ni Zuma ng ABS-CBN ang tindi ng kamandag nito sa pilot week pa lamang ng bagong katapat na programa.
Sa magkakasunod na araw, panalo sa timeslot nito sa hapon ang fantaseryeng pinagbibidahan ni Andi Eigenmann. At base sa pinakahuling datos ng Kantar Media noong Huwebes (Enero 23), patuloy na pagwawagi ng Galema sa taglay nitong 10.4% national TV rating kumpara sa karibal na serye sa GMA na nakakuha lamang ng 8.3%.
Samantala, buong ipinagmamalaki ng Kapamilya hunk na si Ejay Falcon na mapabilang sa cast ng Galema at makasama ang na-miss na kaibigang ni Andi.
“Hindi na ako masyadong nailang kay Andi kasi nakasama ko na siya sa time ko sa PBB (Pinoy Big Brother Teen Edition Plus). Pumasok siya noon bilang house player ni Kuya. Makwento si Andi at malalim na tao kaya masarap siyang kausap,†kwento ni Ejay na gumaganap sa Galema bilang si Sgt. Alex Pagaran na isa sa mga naghahanda kay Galema (Andi) para sa digmaan kontra kay Zuma (Derick Hubalde).