Model turned celebrity hindi nagtagumpay sa pagnanasa sa sexy actor

Iba ang naging experience ng isang sexy actor sa piling ng isang model turned celebrity. Nagulat siya na bigla na lang siyang niyayakap-yakap ni model at ayaw siyang bitawan nito.

Maayos naman na humihiwalay si sexy actor sa model dahil bukod sa asiwa siya sa inaasal ng kaharap ay amoy alak pa raw ito kaya takot siya na kung ano ang gawin pa sa kanya.

Inimbitahan kasi ni model si sexy actor sa isang event na kaibigan niya ang sponsor. Matagal na pala niyang target ang aktor pero hindi siya makatiyempo.

Inis na inis pa si model nang malaman niyang nakarelasyon ni sexy actor ang isang pa-tweetum na actress. Kaya sa sobrang sama ng loob niya, nagawa naman niyang sagutin ang isang drama actor na hindi naman niya type talaga.

Noong malaman niyang naghiwalay na sina sexy actor at tweetum actress, nakahanap siya ng butas para mapasakanya na ang ninanasa. Bigla na lang siyang nakipaghiwalay sa drama actor na wala namang dahilan. Sinabi na lang niya na marami silang hindi napagkakasunduan. Pero ang totoo ay panay na ang paramdam niya sa sexy actor.

Matagal naman nang kilala ni sexy actor si model pero kaibigan lang talaga ang turing niya rito dahil hindi nga ito ang tipo niyang babae.

Kaya sa naturang event ay plano talaga ni model na malasing niya si sexy actor at ite-take home niya. Para naman matupad ang kanyang matagal nang maitim na balak na matikman ang sexy actor. Pero baligtad nga ang nangyari at pumalpak ang kanyang plano.

“Paano naman mas nauna pa siyang nalasing kesa kay sexy actor,” say ng aming source na na-witness ang kalukahan ni model sa naturang event.

“Lahat nang ialok na alak sa kanya ay tinutungga niya. Hindi niya alam na si sexy actor ay hindi palainom. Ayun, noong dumikit na si model kay sexy actor, puwede ka nang magsindi ng lighter sa hininga niya at bubuga ito ng apoy sa sobrang kalasingan.”

Dahil doon ay na-turn off si sexy actor sa kanya kaya lumayo ito. Sa kakaatungal pa ni model, dahil nilayasan siya ni sexy actor, nasuka siya.

“As in sa harap ng maraming bisita ay nagsuka siya! Ang cheap!” dagdag pa ng source.

Coach Freddie pagreretiruhin na si Pacman kapag natalo pa kay Rios

Sa naging interview ng personal trainer ni Pambansang Kamao Manny Pacquaio na si Freddie Roach sa Yahoo! Sport, nasabi nito na kung hindi magpe-perform ng maganda si Pacman sa laban kay Brandon Rios sa Macau on Nov. 24 ay nakikita na niyang pag-iisipan na talaga ang pag-retire sa larong boxing.

“If the Rios fight does not go well we will seriously talk about his retirement,’” diin ng coach.

Pero bilib pa rin daw si Roach sa training ni Manny ngayon. Puspusan sa pag-eensayo ang People’s Champ dahil ayaw na nitong maulit ang dalawang pagkatalo niya kina Timothy Bradley at Juan Manuel Marquez.

Pero ang ikatlong talo for Manny “will put his career at the crossroads,” according to Roach.

May agreement na raw silang dalawa tungkol sa hudyat niya ng pagreretiro ng boksingero.

Pero may hope pa rin si Roach na kakayanin ni Cong. Manny ang laban na ito with Rios.

“I know people are skeptical about that. Manny is a realist. He accepts it. It does not bother him. If you don’t think you’re going to be knocked out you’ve got the wrong sport,” sabi ni Coach Freddie.

Mariah nagsalita na sa mala-impiyernong karanasan sa AI

Nagsalita na si Mariah Carey tungkol sa kanyang pag-upo bilang judge sa nakaraang season ng American Idol (AI).

Say nga ng music diva, she “hated” being a judge sa AI. Para raw “working in hell with Satan.”

Wala naman daw binanggit si Mariah tungkol sa co-judge niyang si Nicki Minaj na hindi niya nakasundo sa simula hanggang sa matapos ang kanilang season

Kumita si Mariah ng $18 million bilang judge ng AI pero binunyag niya na nilinlang daw siya ng mga producer at pinaniwala na tatlo lang daw silang judges -- Randy Jackson at Keith Urban.

Nagulat na lang ang diva nang biglang ipasok si Minaj bilang 4th judge at doon na raw nagsimula ang pagkairita ni Mariah sa show.