Aga atat nang mabigyan ng kahit anong role

Isang taon na lang pala ang kontrata ni Aga Muhlach sa TV5 at ang suggestion ng isang entertainment editor sa birthday party ni Tita Ethel Ramos na manager ni Aga ay puwede na siyang pumunta ng GMA Network, Inc. o bumalik siya ng ABS-CBN at gumawa ng soap.

Sabi ni Aga, akting na akting na raw siya at panay ang panonood ng TV. Nagre-react nga siya kapag hindi maganda ang pagkaka-deliver ng mga actor na napapanood niya.

Sa sobrang excitement ay kahit ano raw ang role basta’t maganda ay game na game siya.

Vic at Danica proud sa nagawa ni Mark

Consistent ang support kay Vic Sotto hindi lang ni Pauleen Luna kundi pati ang Dabarkads ng Eat Bulaga para sa manugang niyang si Mark Pingris na asawa ni Danica Sotto na siyang isa sa mga nagpanalo sa laban sa South Korean team nung Sabado.

Touching din ang part na napaiyak at sumalpak si Mark sa sahig ng basketball court after nilang manalo at nagdasal bilang pasasalamat sa pagkakapanalo na history nga naman dahil muling nagmarka ang ’Pinas sa Asian basketball.

Teen beauty queen wish nang maging kapareha si Daniel

Gustong sundan ng Ms. Teen Philippines Asia Pacific 2013 na si Jessa Bibar ang yapak ng kanyang idolong si Marian Rivera at wish niyang maka-partner si Daniel Padilla dahil plano na rin niyang sumabak sa pag-aartista. Pagkatapos din nitong manalo bilang Ms. GMA 2013 at Top 10 finalist ng Runway Teen Super Model 2013, naghahanda na rin siyang lumaban para naman sa international teen pageant sa susunod na taon.  

Isang high school student ang teen beauty sa Upon This Rock Christian Academy sa Cavite na nagdiwang ng kanyang ika-15 th birthday kahapon.