Charice kinalasan ang ex-road manager na ’Kana dahil kay Alyssa

Mahihirapan si Raquel Pempengco na ilayo si Charice sa girlfriend nito na si Alyssa Quijano. In love na in love ang kanyang anak, hitsurang you and me against the world ang kanilang drama.

Daig ni Charice ang tunay na binata sa live guesting niya kahapon sa Startalk. Sa harap ng mga TV camera, sinabi ni Cha­rice na mahal na mahal niya si Alyssa with matching “I love you” na ikinakilig ng mga tomboy na sumugod sa Startalk studio para makita ng personal ang kanilang idolo.

Ipinakanta ko kay Charice ang Mag­hintay Ka Lamang na dedica­ted niya sa kanyang mother dear.
Gus­tung-gusto ko ang version ni Charice sa favorite song ni Raquel. Naluha ako nang marinig ko ang pagkanta niya sa Maghintay Ka Lamang.

Pre-screened ang mga question kahapon kay Charice kaya hindi na namin siya tinanong tungkol sa naging relasyon nila ng kanyang dating road manager na si Courtney Blooding.

Hindi puwedeng mag-deny si Courtney dahil mismong si Raquel ang nagkuwento sa mga reporter tungkol sa naging relasyon nila. Si Alyssa ang dahilan ng breakup nina Courtney at Charice.

Vic at Dingdong walang dapat ipag-alala

Ang dami-daming crush ni Charice ha? Crush niya sina Donna Cruz, Sam Pinto, Pauleen Luna, at Marian Rivera.

Dyuskoday, carry ba ni Charice na harapin sina Vic Sotto at Dingdong Dantes? Ang sabi naman niya, crush lang naman. Wala raw masama sa crush.

Hindi naman magagalit sina Bos­sing at Ding­dong kay Charice dahil hindi ito threat sa kanila ’no?!

Dingdong babanggain ang Man of Steel

Hindi affected si Dingdong sa ipinagtapat ni Charice na crush nito si Marian. Ang say pa ni Ding­dong, magandang-maganda ang taste ni Charice.

Mag-expect tayo na tungkol sa pagkakaroon ng crush sa kanila ang itatanong ng press kina Pauleen, Marian, at Sam.

Guest namin kahapon si Dingdong sa Startalk dahil nag-promote siya ng Dance with the Steel Bars.

Showing sa mga sinehan sa June 12 ang pelikula ni Dingdong at ng Hollywood actor na si Patrick Bergin. Take note, ang Man of Steel lang naman ang makakabangga sa takilya ng Dance of the Steel Bars. Sa mga hindi nakakaalam, ang Man of Steel ang bagong Superman movie na tiyak na pipilahan din sa box office.