James sablay ang laro, apektado sa problema kay Kris

MANILA, Philippines - Halatang apektado ang laro ni James Yap nung makalaban nila ang Alaska team nung Sabado. Mas madalas ang sablay niya  kesa pasok sa bawat bato niya ng bola sa laro. Although nanalo naman ang koponan niyang San Mig Coffee, mas higit na namayani ang kanyang teammates kesa sa galing niya.

Pati nga commentators sa PBA (Philippine Basketball Association) ay updated sa kontrobersiya ni James sa dating asawa na si Kris Aquino. Ang termino na “may pinagdadaanan” ang madalas nilang sambitin kapag nababanggit si James.

Pati sports, naging showbiz na rin dahil sa problema ni James!

Rachelle Ann kinikilig kay Christian

Kilig-kiligan naman si Rachelle Ann Go nang maka-duet ang ex-boyfriend na si Christian Bautista nang i-welcome sa Party Pilipinas nung Sunday. Sumakay naman ang dating Kapamilya artist na, “Sino pa ba ang susundan ko rito?”

Sa totoo lang, August of last year pa nang magkaroon ng negotiation sa paglipat ni Christian sa GMA 7. Nagpahaging na siya noon nung magpa-presscon siya para sa kanyang anniversary concert. Last week lang nakumpirma ito nang pumirma siya ng kontrata sa Channel 7.

May lumabas nga na isa sa trabaho ni Christian sa GMA ay ang pagiging co-host sa Eat Bulaga. Pero ayon kay Malou Choa Fagar ng TAPE, Inc., wala pa siyang alam tungkol dito kahit alam niyang maingay ang pangalan ng singer sa Indonesia kung saan may franchise roon ang noontime show.