Carmina muntik himatayin sa sobrang pagkagulat

Nadama namin kung gaano kamahal ni Zoren Legaspi ang kanyang asawang si Carmina Villarroel kung saan sinabing kaya naging matatag ang kanilang pagsasama ng 12 taon kahit walang kasal ay alam na niya kasi na si Carmina ang gusto niyang pakasalan at makasama habambuhay.

‘‘Hindi siya selosa. Hindi siya nagseselos sa ibang babae kundi sa time lang kapag busy ako sa trabaho. Hindi siya nagger at bilang mabuting asawa ay lagi siyang nasa tabi ko lalo na kapag may problema,’’ paglalarawan ni Zoren.

Ngayong kasal na sila ay inamin ng aktor na lalong nagbago ang kanyang pakiramdam sa asawa.

‘‘Lalo akong naging extra careful lalo sa pagsasalita at lalo ko siyang minahal,” sabi pa niya.

Sabi naman ni Mina, lalo siyang naging maligaya matapos ang kasalan at nadagdagan pa ang respeto niya kay Zoren. Feel na feel niya na Legaspi na siya dahil kataling-puso na ang aktor.

Inamin pa rin ni Zoren na natakot siya para sa kanyang asawa sa ginawang paglilihim sa proposal at kasal. Nabigla kasi si Carmina.

“Natakot ako na baka matumba si Carmina kaya sinabihan ko si Ninong Boy (Abunda) na alalayang mabuti ang aking asawa habang patungo sa altar,” kuwento ni Zoren.

Inamin din ni Carmina na nangatog ang kanyang mga tuhod dahil sa shock at feel ang mixed emotions kaya pakiramdam niya ay para siyang luka-luka nung gabi ng kasal.

‘‘’Di ko talaga iniisip na ako’y ikakasal at alam ko lang na may story board ang Selecta para sa aming commercial shoot,” sexy ng aktres.

Sabi pa ni Carmina na feeling complete na ang buhay niya at malaking bagay na nagsimula silang mabuting magkaibigan bago naging magkarelasyon.

MGA LALAKI NAGSISIGAWAN SA TAKOT

Nagkaroon ng advanced screening ang Paranormal Activity 4 ng Solar-UIP noong Lunes. Sa bawat pagdaan ng araw lalo na sa gabi ay maraming kababalaghan at katatakutan ang nangyayari. Kahit mga lalaki ay napapasigaw at pagkatapos ay tawanan ang maririnig sa mga manonood dahil nagulat din sila.

Patok ang ilang eksena gaya ng pagbagsak ng chandelier, mga ingay sa kuwarto, pakikipag-usap ng bata sa isang invisible friend, at pagtatakbuhan ng dalawang batang sina Robbi at Wyatt ng madaling-araw habang hinahabol ang anino ng isang maliit na bata.

Nakakatakot ang pag-atake ng babaeng nakaitim kay Alex (Kathryn Newton) sa boyfriend nitong si Ben (Matt Shively) at iba pang pamilya.

Palabas na ang Paranormal Activity 4 sa inyong mga paboritong sinehan.