Governor Jonvic Remulla, ‘top choice’ ni Pangulong Marcos na sunod na DILG chief
MANILA, Philippines — Ang pangalan ni Cavite Governor Jonvic Remulla ang lumutang ngayon na susunod na Kalihim ng Department of the Interior and Local Government (DILG) na magiging kapalit ni Secretary Benhur Abalos.
Ang appointment umano ni Remulla ay ihahayag ni Pangulong Ferdinand “Bongbong” Marcos Jr. sa sandaling bumitiw na sa puwesto sa DILG si Abalos na maghahain naman ng kanyang kandidatura sa pagka-senador.
Si Remulla na kapatid ni Justice Secretary Jesus Crispin Remulla, ang umano’y “top choice” ni PBBM para pamunuan ang DILG.
Bukod kay Remulla , ikinokonsidera rin sa DILG position sina Navotas Rep. Toby Tiangco, National Security Adviser Eduardo Año, South Cotabato Governor Reynaldo Tamayo Jr., Quirino Governor Dakila Carlo Cua at Special Assistant to the President Antonio Lagdameo, Jr.
- Latest
