Eala vs Prozorova sa Singapore Open

MANILA, Philippines — Muling aarangkada si Alex Eala matapos ang ilang linggong kaliwa’t kanang events sa pagsabak nito sa Round of 16 ng WTA 500 Singapore Tennis Open sa OCBC Arena sa The Kallang, Singapore.

Haharapin ng Pinay netter si Tatiana Prozorova ng Russia.

Umabante sa Round of 16 si Prozorova matapos pataubin si Sofia Costoulas ng Belgium sa first round sa pamamagitan ng 5-7, 7-6 (2) 6-2 desisyon.

Sa kabilang banda, nakasiguro si Eala ng opening-round bye dahil hawak nito ang No. 3 seed sa torneo.

“I used to compete here very often as a kid,” ani Eala.

Excited na si Eala na maglaro sa harap ng Pinoy fans sa Singapore.

“There’s obviously a very huge Filipino community. I do have close relatives here that whenever I was in town, I’d go see. I think just Southeast Asian culture in general is very close-knit,” ani Eala.

Ito ang unang torneong lalahukan ni Eala sapul nang sumabak ito sa US Open sa New York.

Matatandaang umabot si Eala sa third round ng US Open subalit natalo ito kay Iva Jovic ng Amerika, 5-7, 6-3, 5-7.

“We find that sense of community in each other. So even the Southeast Asian women on tour, I find myself gravitating towards. We can relate on things like SEA Games and we know that doesn’t happen for all the other players,” dagdag ni Eala.

Alam naman ni Prozorova na matinding laban ang haharapin nito kontra kay Eala.

“It’s a good opponent. Well, I can say most times she’s aggressive, but I can adjust during a match to what my opponent is doing. I can manage my game style in a way and adapt to her style,” ani Prozorova.

May game plan na si Prozorova na gagamitin nito laban sa Pinay netter.

Samantala, paborito si Eala sa Star of the Swing voting ng WTA.

Ang mga fans ang pipili kung sino ang Star of the Swing sa pamamagitan ng pagboto sa website ng WTA.