Red Lions sisimulan title defense vs Blazers
MANILA, Philippines — Sisimulan ng San Beda University ang pagdedepensa sa kanilang korona sa pagsagupa sa College of St. Benilde sa pagbubukas ng NCAA Season 102 men’s basketball tournament sa MOA Arena sa Pasay City.
Lalabanan ng Red Lions ang Blazers ngayong alas-2 ng hapon kasunod ang upakan ng Season 101 finalist Letran Knights at semifinalists University of Perpetual Help System DALTA Altas sa alas-4 ng hapon.
Iniligpit ng San Beda ang St. Benilde sa semifinals bago talunin ang Letran sa Season 101 Finals.
Muling makakasama ng Red Lions at Blazers sa Group A ang Jose Rizal University Heavy Bombers, Lyceum Pirates at Mapua Cardinals.
Nasa Group B ang Knights, Altas, Arellano Chiefs, Emilio Aguinaldo College Generals at San Sebastian Stags.
Wala na sa San Beda si super scorer Janti Miller, lumipat sa La Salle sa UAAP, at ang mga PBA rookies na sina Yukien Andrada, Season 101 Finals MVP Bryan Sajonia at big man Joe Celzo.
Hindi naman maglalaro para sa St Benilde si reigning MVP llen Liwag dahil sa injury kaya sasandalan sina Justine Sanchez, Raffy Celis, Jhomel Ancheta at SJ Moore.
- Latest
