Bridges ite-trade ng Hornets sa Suns
CHARLOTTE, — Ibibigay ng Hornets si star forward Miles Bridges kasama ang isang 2029 first-round pick at isang 2027 second-round pick sa Phoenix Suns kapalit nina Grayson Allen, Royce O’Neale at isang 2033 first-round pick.
Ito ang ikalawang malaking trade ng ginawa ng Charlotte sa loob ng tatlong araw.
Unang dinala ng Hornets si All-Star point guard LaMelo Ball sa Minnesota Timberwolves noong Huwebes, habang pumayag din ang koponan sa isang three-year $74 million deal para mapanatili si guard Coby White.
Kumamada ang 28-anyos na si Bridges ng mga averages na 17.1 points at 5.8 rebounds para sa kampanya ng Charlotte sa nakaraang 2025-26 season.
Sa nasabing trade sa Hornets ay nakatipid ang Suns ng $20 milyon sa luxury tax para magkaroon sila ng roster spot bago ang free agency.
Sa Orlando, pinakawalan ng Magic si forward Jonathan Isaac para makatipid ng $6.5 milyon at paghandaan ang free agency market.
- Latest
