Seiler bumasag ng Philippines record sa Tarlac
MANILA, Philippines — Gumawa ng ingay si Fil-German race walker Nathaniel Seiler matapos magtala ng bagong national record sa ICTSI Philippine Athletic Championships na ginaganap sa New Clark Athletic Stadium sa Capas, Tarlac.
Winasak ni Seiler ang mahigit tatlong dekadang national record sa 10km walk kung saan nagtala ito ng 43:33.38.
Natabunan ni Seiler ang dating marka ni Sonny Diaz na 44:22.08 na naitala noong 1995 Chiang Mai Southeast Asian Games
Sa katunayan, malayo pa ito sa personal best na 41:45 minuto ni Seiler na pamangkin ng tv host na si Boy Abunda.
“I slowed down somewhat when I was way ahead of the Indonesian and could have gone faster had I known the record that I was running after,” ani Seiler.
Naungusan ni Seiler si Indonesian Hendro na nagkasya sa pilak na medalya at isa pang Pinoy na si Vincent Vianmar dela Cruz na nakasiguro ng tanso.
Wagi rin ng ginto sina Paris Olympian Lauren Hoffman, pole vaulter Eli Cole at sprinter Jessica Laurance sa kani-kanyang events sa torneong suportado ng Philippine Sports Commission.
- Latest
