Foreign riders nagdomina sa ACC

TAGAYTAY City , Philippines — Nagdomina ang China, Chinese-Taipei at South Korea sa Asian Cycling Confederation (ACC) Track at Para Track Championships kasabay ng pagsertipika ng International Cycling Union (UCI) sa Tagaytay CT Velodrome bilang isang Category A facility.

“We are now officially a UCI track destination,” sabi ni PhilCycling president Abraham “Bambol” Tolentino kahapon. “With a Category A homologation, we can now host world cups and even the world championships.”

Ang homologation certificate na nilagdaan ni UCI Track and Indoor Cycling Manager Jessika Grand Bois ay nangyari isang araw matapos ang pagpadyak ng 16-nation, 600-athlete championships na pinamamahalaan ng bansa matapos ang 31 taon.

Nagpakita naman ng lakas ang China matapos itakbo ang sprint gold medals sa men at women elite, habang nanguna ang Chinese-Taipei sa men’s junior team sprint race.

Ang South Korea ang bumandera sa women’s junior team sprint.

Nagtala ang China ng 42.981 segundo kasunod ang Hong Kong at Japan.

Tumipa naman ang Chinese women ng 46.806 segundo para sa gold matapos ungusan ang Malaysia at South Korea.

Sina Yun Chieh Tsai, Yi Kuan Lin at Zi Qi Wei ang bumandera sa pagrereyna ng Chinese Taipei sa men’s junior team sprint.

Kumaripas ang Kazakhstan para kunin ang gold sa team pursuit kasunod ang Chinese Taipei at Uzbekistan.

Samantala, minalas sa medalya ang Team Philippines sa kanilang pagsabak sa world-class competition.

“The disappointments are expected, but the good thing about the team is that the riders bettered themselves from training,” wika ni PhilCycling track coach Virgilio Espiritu.