Lifetime

May controversy sa isang lifetime bonus or incentive na binigay kay Hidilyn Diaz matapos siyang manalo ng gold medal sa Tokyo Olympics nung 2021.

First Olympic gold kasi ng bansa kaya bumaha ng incentives para kay Hidilyn. In total, umabot siguro ng P50 million.

Sa cash pa lang, P10 million sa Philippine Sports Commission, P10 million kay Manny V. Pangilinan, P10 million kay Ramon S. Ang, P5 million kay Dennis Uy ng Phoenix Petroleum, P3 million kay Mikee Romero at P2.5 million from Zamboanga.

May bahay at condominium. And lifetime na byahe sa AirAsia, 80,000 miles per year for life from Philippine Airlines, lifetime gas ng Phoenix, lifetime na kain sa isang ramen restaurant at lifetime dito, lifetime doon.

At ngayong ginto ang presyo ng gas, lumabas ang comment ng manager ni Hidilyn na dehins daw lifetime gas ang nakuha ng weightlifter mula sa Phoenix.

Sokpa agad sa eksena ang mga bashers kaya nag issue ng statement ang Phoenix.

Ang sabi, umabot ng two years ang libreng pakarga ni Hidilyn sa mga stations nila at nung minsan nag-request sila kung pwede mag-share si Hidilyn online tungkol dito, siguro sa social media, tumanggi ang gold medalist.

Ang dahilan? Puma­sok pala si Hidilyn sa isang contract with another petroleum company. Doon natapos ang communication nila kaya no choice ang Phoenix but to step aside.

So, ganun pala ang nangyari. Pero ang giit ni manager, wala daw conditions ang gas incentives na ibinibigay ng Phoenix.

Sana, matigil na ang issue.

Unless gusto pa nila pahabain ang usapan.