Yulo, Eala babandera sa PSA Awards Night

MANILA, Philippines —  Magniningning ang ga­bi dahil gagawaran ng pa­rangal ang mga natata­nging atleta na nagbigay ng karangalan sa bansa sa nakalipas na taon.

Kikilalanin ang mahigit 100 awardees sa San Mi­guel Corporation-Philippine Sportswriters Association Annual Awards Night nga­yon sa Diamond Hotel Ma­nila.

Nangunguna na sa listahan sina gymnast Carlos Yulo at tennis star Alex Eala na gagawaran ng Male at Female Athlete of the Year awards sa programang mag­sisimula sa alas-8 ng gabi.

Ang tinaguriang ‘Oscars’ ng Philippine sports ay co-presented Philippine Sports Commission at ArenaPlus.

Makakasama sa selebrasyon sina Philippine Sports Commission chairman Patrick ‘Pato’ Gregorio at Philippine Olympic Committee president Abraham ‘Bambol’ Tolentino.

Kasama si Gregorio sa mga gagawaran ng para­ngal sa event na suportado rin ng Philippine Olympic Committee, MILO, Cignal, Pre­mier Volleyball League, Philippine Basketball Association, Akari, Rain or Shine, Capital1 Solar Ener­gy at Acrocity.

Ibibigay sa PSC chairman ang Executive Award at magsisilbi rin itong guest speaker sa event.

Si champion coach Joseller ‘Yeng’ Guiao ng Rain or Shine naman ang bibigyan ng President’s Award, habang iluluklok si golfer Frankie Minoza sa PSA Hall of Fame.

Pasok sa Lifetime Achievement Awardees ang 1991 Philippine Davis Cup team nina Felix Bar­rientos, Roland So at Ca­moy Palahang, ang Elorde family at sina weightlifting pre­sident Monico Puente­vella, women’s national mas­­ter Mila Emperado at officiating guru Romeo ‘Ro­my’ Guevara.