Pinoy para athletes tagumpay sa AYPG
DUBAI, United Arab Emirates --Bagama’t wala pang official release ng overall medal results ay nalampasan na ng mga Pinoy para athletes ang inaasahan sa kanila sa 2025 Asian Para Games na nagsara kahapon dito.
Humakot ang Team Philippines ng walong gold, 14 silver at walong bronze medals na mas marami kumpara sa nakolektang isang gold, anim na silvers at dalawang bronzes sa nakaraang edisyon ng AYPG sa Manama, Bahrain.
Pinuri ni Philippine Paralympic Committee (PPC) president Mike Barredo ang ipinakita ng 48-member PH team na sinuportahan ng Philippine Sports Commission.
“I’m very proud of them because we have outdone our medal tally in Bahrain more than five times,” ani Barredo.
Lumangoy ang mga para swimmers ng anim na golds, anim na silvers at dalawang bronzes galing kina Ric Daniel Pasadilla, Mary Hannah Diesto, Raemond Adefuin, Zach Lucas Obsioma at Bladimir Sebastian Gonzales.
Ang 13-anyos na si Pasadilla ng Pototan National Comprehensive High School sa Iloilo ang naging ‘most bemedalled’ Filipino para athlete sa kanyang sinisid na tatlong golds sa boys’ 12-16 200-meter individual medley SM10, 100m back S10at 100m butterfly S10.
May isa rin siyang silver sa 100m free S10 at bronze sa 100m breaststroke SB9.
- Latest
