Emilio Aguinaldo College kinapos sa San Beda
SSL preseason unity cup
MANILA, Philippines — Tinakasan ng San Beda University ang Emilio Aguinaldo College, 25-19, 19-25, 20-25, 25-20, 15-10, sa Pool A sa pagsisimula ng 2025 Shakey’s Super League (SSL) Preseason Unity Cup kahapon sa Playtime FilOil Centre sa San Juan City.
Iniskor ni Angel Habacon ang lima sa kanyang 16 points sa fifth set para gabayan ang Lady Red Spikers sa paggupo sa Lady Generals.
“Ibinigay lang namin ‘yung best namin para maka-contribute kami sa loob ng court and we played as one sa loob,” sabi ni Habacon na hinataw ang huling tatlong puntos ng San Beda sa fifth frame.
Siya rin ang sumelyo sa kanilang panalo sa EAC.
Humataw si Janelle Bachar ng game-high 17 points mula sa 16 kills at isang service ace para sa Lady Red Spikers ni coach Kungfu Reyes.
Nagdagdag si Jeliane Catubig ng 12 markers at may walong marka si Rianne Bedural kontra sa Lady Generals sa torneong itinataguyod ng Shakey’s Pizza Parlor, Peri-Peri Charcoal Chicken, Potato Corner at R and B Milk Tea.
Bumira sina Bachar, Habacon at Catubig ng pinagsamang 43 markers sa kabuuang 55 attack points ng San Beda sa event na suportado rin ng Asics, Mikasa, Smart Sports, Summit, Team Rebel Sports, Belo Deo, Eurotel- Apo View Hotel, Batangas Country Club, Executive Optical, Baic Auto Philippines, SM Tickets at PusoP.com bilang technical partners.
Nagtambal sina Bachar at Catubig sa fourth frame para makabangon mula sa 20-25 kabiguan sa EAC sa third set at makahirit sa deciding fifth frame.
Nakagawa ang Lady Generals ng 40 errors laban sa Lady Red Spikers.
Sa ikalawang laro, pinatunayan ng powerhouse Far Eastern University na isa sila sa markadong team sa torneo matapos ilampaso sa tatlong sets ang Jose Rizal University, 25-15, 25-9, 25-23.
- Latest
