Bersamina, Garcia 1-2 finish sa Pre-SEA Games 2
MANILA, Philippines — Nagpakitang-gilas sina International Masters Paulo Bersamina at Jan Emmanuel Garcia matapos sikwatin ang 1-2 finish sa Pre-SEA Games 2 Makruk Rapid Men kahapon sa Asian Civilisations Museum sa Singapore.
Pinisak ng Chess Olympiad veteran na si Bersamina ang kababayang si GM Darwin Laylo sa fifth at final round upang ilista ang four points sapat upang masikwat ang korona.
Sa katunayan ay kaparehong puntos ni Garcia si Bersamina matapos mauwi sa draw ang laban nito kay Arch Boonruamboon ng Thailand subalit matapos idaan sa tiebreak ay nagkampeon ang pangalawa.
Sumegunda si Garcia at nagkasya sa bronze si Boonruamboon sa event na ipinatupad ang five rounds swiss system.
Kinapos naman si Pinoy GM John Paul Gomez sa third place dahil natalo siya sa tiebreak points kay Boonruamboon matapos magtala ng tig 3.5 points.
- Latest
