Gilas Women umiskor sa Thais
MANILA, Philippines — Kaagad bumalikwas ang Gilas Pilipinas Women mula sa unang pagkatalo matapos talunin ang Thailand, 83-66, sa 2025 William Jones Cup kahapon sa Taipei Peace Basketball Stadium sa Taiwan.
Pinamunuan nina Notre Dame star guard Vanessa De Jesus, Jack Animam at Ella Fajardo ang pagbangon ng mga Pinay cagers mula sa naunang 59-85 pagyukod sa host Chinese Taipei noong Miyerkules.
Sunod na lalabanan ng tropa ni coach Patrick Aquino ang South Korea ngayong alas-2 ng hapon sa six-team tournament.
Laglag ang mga Thais sa 0-2 marka.
Ang podium finishers ay ibabase sa kanilang record matapos ang torneo.
Inilista ng Thailand ang isang 10-point lead, 25-15, sa first quarter na binura ng Gilas Women sa second period sa likod nina Animam, Sumayah Sugapong, Naomi Panganiban at Trina Guytingco para agawin ang 37-36 abante sa halftime.
Samantala, iginawad sa Pilipinas ang hosting rights para sa FIBA Women’s Asia Cup sa taong 2027.
“We are excited to return to the Philippines for a FIBA Asia event,” ani FIBA Executive Director-Asia Mr. Hagop Khajirian sa isang statement.
- Latest
