Junior Lady Altas hinataw ang finals berth
MANILA, Philippines — Pinadapa ng defending champion University of Perpetual Help System DALTA Junior Lady Altas ang Lyceum of the Philippines University Baby Pirates, 25-18, 25-22, 25-20, sa
"do-or-die" game papasok sa final round ng NCAA Season 100 girls’ volleyball tournament Lunes sa Arellano University Gym sa Legarda, Manila.
Nagpakita agad ng kagustuhang makabawi ang mga players ni coach Sandy Rieta mula sa naunang five-set loss sa Game 1 ng kanilang semis showdown ng Baby Pirates.
Nanguna para sa Junior Lady Altas si Sherrie Rose Acosta na may game-high 21 points mula sa 19 attacks at tig-isang block at service ace at nagdagdag sina Jaja San Juan at Maya Javier ng tig-siyam na marka.
Bumandera naman para sa LPU GenTri si Aleah Mae Alipan na may siyam na puntos kasunod ang pitong marka ni Gellian Leo.
Makakaharap ng Junior Lady Altas ang Arellano Baby Chiefs sa best-of-three championship series na magsisimula sa May 30 sa FilOil Arena sa San Juan City.
Maghaharap naman ang Junior Altas Spikers at Letran Squires para sa korona ng Juniors Boys division sa pareho ding play date .
Kapwa asam ng tropang Las Piñas na makuha muli ang titulo na huling nag-kampeon ng 2023 (Season 98), habang uhaw sa titulo ang mga taga-Intramuros na huling naghari noog 2005.
- Latest
